第九日 : 箱根 - 大涌谷、小王子博物館

　　今天要乘搭7:00am由新宿上箱根的浪漫特快列車，因住在吉祥寺路途遙遠，故此4:30am就要起床，好慘！

　　列車駛近小田原時，在展望車窗外看到大大個白色的富士山，WOW！今次真係太幸運啦！上次我九月時來到箱根被濃霧環繞，連富士山個影都睇唔到呀！如果要上箱根的話，各位記住一定要早D去訂第一列車廂的展望席呀!

　　坐完登山纜車再轉空中纜車，終於來到我們第一個遊點大涌谷，雖然已經來過一次再無甚新鮮感。但原來此處是一個看富士山的好位，晴天時能夠清晰的看到整個山形。那處還有售“大涌谷限定”黑玉子look的Hello Kitty，很 kawaii呢！

　　繼繽坐吊車到終站的桃源台，在碼頭和"賊船"（應該係箱根観光船至真！）影張相，在１樓的食事處食埋個算難食的簥麥麵作午餐，就要轉４號巴士去小王子博物館。我讀過小王子一書至少五次以上，每次閱後都會有因應人生不同階段的經歷，而得著不同的體會．今次之所以要再來箱根，最主要都是為了到小王子博物館大朝聖。雖然入場費要成1500yen不算便宜．但當看到門口那個B612星球和小王子像後，就覺得值回票價了。行畢全館買過紀念品都己經是午後四時了，是時候回旅館喇！

　　在門口巴士站再搭上４號巴士，不用10分鐘就到達今晚的旅館，位於仙石原的"伊藤山莊"（箱根町仙石原1245番地，Tel/Fax:814-60-48725，主人通簡單英文）。此館的最大賣點是女主人煮得一手好菜，那晚我們每人六菜一湯：包括魚生、蒜燒牛排、鐵板銀紙燒魚、沙津、煮物、漬物，配菜一大堆，白飯任裝，重有超大粒士多啤梨做飯後果，每人一泊二食都只需8000yen！大家都一致認同這是全程中最好食的一餐，更直呼想為食而留多一晚。

　　雖然"伊藤山莊"並沒有大浴場，但它男女各一的溫泉浴室每次只能容一人入浴，正好配合我們香港人想享受但又害羞的心態，休息室內還有張按摩梳化！我最喜歡的是那座在客廳真係燒木柴的火爐，看到伊藤一家圍爐進膳，覺得真係好warm哦！