|
|
行程 : (第一日) 香港 ~ 大阪 (第二日) 大阪 ~ 京都 ~ 大阪 (第三日) 大阪 ~ 京都 ~ 大阪 (第四日) 大阪 ~ 城崎 (第五日) 城崎 ~ 京都 ~ 大阪 (第六日) 大阪 (第七日) 大阪 ~ 香港 |
|
前言 : 去日本睇紅葉講就講o左好耐喇！
今日終於都出發，由於今次係買package o既關係，所以時間有限制，想留多幾日都唔得！
點解買package？ 平丫嘛！ 4日3夜，3千鬆d，加多兩晚酒店都唔過5千仲想點！
雖然呢次旅程只係得7日（減埋頭尾兩日坐飛機，實際得5
日咁大把），
不過行程一樣咁豐富咁多采多姿，包羅萬有，保證樂而忘返。（次次都係咁講！） 今次主要目的係去京都睇紅葉，另外點都要搵一日去浸o下溫泉，由於大阪附近唔係咁多溫泉o既地方，所以之前都搵o左好耐，考慮過好多地方，例如和歌山、枇琶湖、有馬溫泉…..等等，最後揀o左城崎溫泉，一個幾出名但又唔係咁多介紹o既地方，結果絕對無令大家失望。
大家？ 點解係大家？ 無錯係大家呀！ 因為除o左我同女友之外，另外仲有兩位團友添！
一位係閉關生仔養尊處優o左好耐o既Dellra，
另外一位我都唔知佢係邊個，淨知佢係Dellra o既朋友叫Peggy，所以今次行程一定要好好睇睇，務求做到叫好又叫座，人人叫encore！
如果唔係返o黎畀人丙就無謂啦！ 另外由於會住o係大阪o既關係，當然會搵o下大阪o既朋友zhizi啦！
而且仲會同佢一齊去京都玩，
仲會有幾位日本新朋友一齊食飯，
而之前仲約定香港網友o係京都食飯添，行程實在太豐富，講講o下7日真係唔係好夠。
唔緊要啦！當比個籍口再去啦！ 講住咁多先！
唔係邊有驚喜呀！ |
|
