搭o左幾個鐘頭飛機，到達關西空港已經係夜晚7點，那那聲挪行李走人！

跟o住仲要搭成粒鐘車先到梅田o既酒店！

呢間就係我地o係大阪住o既酒店(大阪第一酒店)，好近梅田車站，都幾方便，不過d房好細，圓碌碌好易認，圓碌碌係佢o既特點，亦都係佢o既缺點，因為d房斜o既！

今日原來係Peggy o既生日，(其實我一早就收到風，如果唔係點會有蛋糕呀！) 全靠zhizi幫我預備，真係麻煩晒，好耐都唔該！ 我諗Peggy點都諗唔到一o黎到大阪就有生日蛋糕食掛？ 感動唔感動？ 想喊添！ HAPPY BIRTHDAY TO ……！

呢個蛋糕幾好食，一d都唔流，飽肚食好有效，而且幾得意，上面有d英文字母餅乾，除o左蛋糕之外，zhizi仲幫我地預備埋刀叉紙碟同飲品添！ 丫！ 呢個zhizi確係有d計！

食完蛋糕都仲未夠皮，一心諗住出街行o下睇o下有無消夜食，不過d舖頭晨咁早就收晒檔，淨番門口d模型，唔理咁多都頂住先，望梅止渴嘛！ 睇落都幾好食！