今日正式開始我地o既行程，就係去「嵐山」睇紅葉喇！ 晨咁早我地就出發，話早其實都成10點，同行o既仲有zhizi同另一位日本新朋友。

我地會坐阪急電鐵直接去到「嵐山」，唔駛o係京都車站轉車方便好多，就因為太方便，所以好多人，多人到門都閂唔埋，攪到要坐下一班。

嘩！ 好得人驚呀！邊有咁多人嫁，好似羅湖過關咁，我地無去錯地方丫嘛？

「嵐山」？ 叫「人山」就真！

第一棵見到o既紅葉，果然利害，唔怪得咁多人。

今次o黎「嵐山」主要係去兩度睇紅葉好出名o既地方，「常寂光寺」同「二尊院」。

沿途d電燈柱都裝飾o左d紅葉，可能驚你真o既影唔到所以整d假o既比你頂住先，點都好過無貨交。

我都得喇！ 居然比我影到張無人o既渡月橋，難度係3.3，一d水花都無！

經過呢個綠綠地色o既竹林，咁一陣睇d葉咪會紅d囉！

到「常寂光寺」之前經過呢度「野宮神社」，『源氏物語』係咩？
日本歷史故事囉！ 好長篇o架！ 有排都講唔完。