ANDY突如其來的日遊故事 2 之忽然一秋

|<< 01 | 02 | 03 | 04 | 05 | 06 | 07 >>|

第二天之三

「常寂光寺」磨完一輪，o黎到第二個紅葉名所「二尊院」，地方唔算大，景點亦唔多，不過一個已經好剎食喇！

	d土鈴幾得意，得意就出事喇！後未發覺呢間鋪頭賣貴人地好多，下次唔好幫襯佢。

	雖然o係「嵐山」去o左好少地方，但都攪到3，4點，連午餐都無食，好彩沿途都有d小食賣，撞o岩有檔賣鹽焗蛋，係咪都整番粒先，嘩！唔食由自可，味道無得頂，熟得o岩o岩好，粒黃橙紅色仲以為係鹹蛋！

呢條仲唔係羅湖橋？ d人多到呢~！

估唔到第一日就完全out晒schedule，原本打算下晝去埋「清水寺」，但係行完嵐山已經4點，仲去鬼去馬咩！今晚仲約o左d香港同日本朋友o係河原町食飯添，所以唯有改改行程去河原町行街啦！「清水寺」就留番之後幾日再plan o下啦！不過之後d行程都好緊密，點算呢？

繼上次o係大阪同zhizi初次聚會，今次係第二次同網友o係日本聚會食飯，雖然大部分人都係住o係大阪，不過因為我地成班人都o係京都玩o既關係，所以就留o係京都食飯喇!

今次食飯o既地點都係zhizi安排，呢間餐廳係食壽司o既，都幾特別，除o左有d整得好別緻o既頭盤之外，之後仲有得任點壽司食添！而且食咁多野都只係3000yen，認真抵食！食完飯就返大阪「覺覺豬」，今日行程結束，明天請早！