每次去日本我都會盡可能安排一日係去浸溫泉，當係o係緊湊o既旅程之中一個舒緩，今次亦唔例外，而今次選擇o既地方係o係兵庫縣o既「城崎溫泉」，點解揀呢度？ 其實之前都考慮過好多地方，睇過好多資料，發覺「城崎溫泉」呢度非常有趣，而且交通方便，o係大阪有火車直接去到，唔駛轉o黎轉去，仲有就係由11月至3月呢段時間係松葉蟹o既當造時期，有好野食就更加唔可以錯過啦！唔講咁多o住！出發喇！

另外一邊有個「湯飲場」，即係飲得o既溫泉水，
試o左兩啖，味道有d似鮮奶。

果邊人地o係度浸緊腳，呢邊就飲溫泉水。

o依! 唔會掛？

呀！ 唔記得講，由於溫泉旅館要3點後先可以check-in，而我地住果間旅館係o係溫泉街o既最尾地方，所以我地會沿溫泉街慢慢行去，順便行o下街買o下野咁，溫泉街兩邊有好多賣土產o既鋪頭，呢個亦都係我地早到o既原因。

呢度最出名o既食物就係松葉蟹，我地仲未食午餐，就梗係去試o下d蟹得唔得啦！ 「大黑屋」係目標地點，我地叫o左d蟹壽司同蟹soba食，食完o既感覺係…. 可唔可以而家再去食呀？ 一客6 件o既壽司都係1100yen，味道一流，最可惜第二日一早要走，如果唔係一定要再去食過。

呢條水道係城崎o既標誌，兩邊種o左好多楊柳，感覺好似中國o既地方。

　　浸緊果d係雞蛋，即係溫泉玉子。

行吓行吓唔覺唔覺就到o左我地住o既旅館，不過都成4點鐘，今次呢間旅館相當唔錯，唔好睇外面好似無咩特別，入到去你就知。  一o黎到門口已經有職員出o黎招呼我地，幫我地挪行李，仲好識做咁幫我地影相，當然梗係要影到佢地個招牌啦！ 入面o既裝修唔算好豪華，但感覺好舒服，最特別係有個花園o係中間，大部分房間都係圍繞o住個花園，所以景觀非常好。

<<< BACK <<<

>>> NEXT >>>