呢個係松葉蟹剌身，之前都有食過松葉蟹，但係覺得麻麻地，又食過蟹剌身，都唔係咁鍾意，不過試完呢個之後……！ 邊有咁好食嫁！

呢餐飯玩o左成兩個鐘有多，快d食喇！ 跟o住仲有節目嫁！

根據Peggy o既評分，呢餐起碼係有8個「飽egg」。

「城崎」除o左每間旅館本身o既溫泉，最特別就係有外湯，而且仲有成七個咁多，個個都唔同，各有特色，咁特別就梗係要去試o下啦！ 不過時間有限，去到幾多得幾多啦！

夜晚溫泉街都好熱鬧，好多人食完飯都出o黎浸外湯同行街買野，著o住對屐咯咯聲走o黎走去好鬼過癮！

去外湯有d裝備，就係木屐同竹籃，竹籃係用o黎浸雞蛋，不過唔夠時間無浸到，木屐就梗係用o黎著出街啦！仲駛講，係咪玩野呀？ 仲有d飛仔，就去到邊間浸都唔駛比錢。

著屐有個技巧，要用隻腳趾夾o住條帶o黎行，如果唔係隻屐就會飛o左去，咁就失禮死人

溫泉街除o左外湯同土產商店之外，仲有一d懷舊玩兒o既店舖，射o下公仔咁，d人支鎗幾乎點到個公仔咁濟，純粹攪笑，全無技巧可言。

旅館服務相當週到，有專車載我地去浸外湯，呢個係第一個要試o既，叫「一之湯」，唔錯呀！ 都幾大，而且係個岩洞風呂。

跟o住o黎到第二個叫「御所湯」，又叫「美人湯」，相傳話皇帝個妹o黎過浸而命名，不過覺得無第一個咁好，呢個比較細。

最後o黎到呢個叫「mandara湯」，今晚浸唔晒添，只可以浸得3個，唯有聽日早d起身再繼續。