今日晨咁早就起身，因為我地要o係食早餐前再去浸外湯，時間有限只可以去呢個比較近o既「鴻之湯」，而且尋日因為佢休息所以去唔到。「鴻之湯」係城崎最早o既溫泉，傳說話有d白鷺因為受傷之後浸過呢度d溫泉水好番而出名，所以門口有隻白鷺o係度見唔見？ 呢個唔錯呀！ 係個露天岩石風呂，雖然而家好早，不過已經有好多人浸緊。

食完飯出花園散o下步，確係賞心樂事，跟o住就要預備走喇！ 因為今日o既行程一樣咁緊湊。 今次呢間旅館無論環境、食物同服務都相當滿意，希望有機會再o黎啦！

呢個係旅館送o既紀念品，都幾騎呢！

我地會坐十點半火車返京都，趁仲有時間就去埋車站旁邊呢個叫「satono湯」o既外湯，呢個外湯最特別就係可以比你浸腳，估唔到浸腳咁爽，尤其是天氣凍凍地，咋一聲度暖氣由腳底滲透全身，當堂醒晒，不過記得帶定毛巾，唔係著唔返對鞋。