後　語 :

七日o既行程好快就過o左喇！ 雖然唔捨得，但都無辦法，因為都返o左o黎囉！ 今次旅程能夠順利完成要多謝幾樣o野，首先係多謝個天啦！ 好好彩呢幾日天氣都非常好，之前一直都有留意o住d天氣，而一路都係好唔穩定，經常落雨，但到出發果日開始天氣變得非常好，真係謝天謝地！

 跟住就係要多謝日本朋友zhizi喇！ 因為佢幫o左唔少忙，又幫我book溫泉旅館，又幫我預備蛋糕送比Peggy，又同我地一齊去京都玩，仲安排帶我地去食d好o野，真係唔係幾好意思！ 然後要多謝就係各團友o既支持同合作啦！ 難得大家咁上賞面肯跟我去旅行唔驚我賣佢豬仔，希望無令佢地失望而要求回水啦！

 講返旅程方面，雖然只係有短短o既7日，時間方面有d趕，但總算完滿，要去o既地方都無miss到，甚至有多無少，紅葉方面亦有預期o既理想，仲有最值得一提o既係今次旅程當中o既旅程「城崎溫泉」，確係一度唔錯o既地方，除o左本身入住o既溫泉旅館正之外，最特別o既就係d外湯，著住浴衣同木屐o係條街度遊蕩o既風味，呢度浸o下，果度行o下買o下野，真係好過懚，唔似得其他地方，只可以留o係旅館入面浸溫泉。而旅館方面更加係錦上添花，除o左房間寬敞，裝修雅致，服務好之外，室外仲有亭園流水，環境確係一流，更令人回味就係當日o既全蟹宴晚餐，真係諗起都流口水，估唔到松葉蟹原來係咁好味，總算無o徒到我花o左咁多時間去搵呢間旅館，唯一可惜係無多留一日，係就更perfect喇！ 唯有希望下次有機會再去啦！ 不過下次去又未必再o黎呢度，又會想試o下其他地方，因為實在仲有好多地方未去過，人就係咁衰o架喇！

最後最後就梗係要多謝自己啦！ 計劃o左呢個非常正o既旅程，點都要獎勵o下自己先，獎自己咩好呢？ 呀！ 就獎自己下次再去啦！ 唔錯！ 唔錯！

最後都要講番句，「人就真係幸福喇！」